Poezitë pinë brymë dhe qajnë Atlantidën...nga Pendekaltri

Një Mirnjohje ndaj krijuesit të blogut të parë 

artistik dedikuar veprës dhe personalitetit

të autores :

www.valdete-antoni.blogspot.com

VALDETE ANTONI, 
gazetare në Radio Tirana (1977-2013),
 autore e disa librave, 
është një nga poetet më të ndjera 
e ndër kohë më te heshtura 
e më të pabuja në poezinë e sotme. 

KOLEC TRABOINI

Nuk flasin shumë për të nëpër gazeta e revista, 
por ndërkohë poezia e saj  flet aq shumë 
për këdo që ka ndjenjë e shije të hollë estetike. 
Poezia e saj është lirike,  intime,   plot ndjenjë,  mendim e figuracion.

Nëpërmjet vargjeve të saj zbulojmë e njohim botën e gruas, një botë mistike, tepër e vështirë për t'u deshifruar nga sytë e pavëmendshëm që e shohin gruan vetëm si një objekt kënaqësie, më shumë fizike e aty aty estetike e ndërkohë, fare pak e njohin dhe e shohin si një botë e mendimit dhe e filozofisë së jetës.

/Hyj në kraharor zoti

/ si në një djep fyejsh

/dhe, luaj në fjetje

/me mijëra këmbanëza

/që gjej atje

/si të vërtetat më të paçuditshme

/të kësaj bote

/ Nga habia ngrij

/ Dhe, bëhem femër/.

Në poezitë e Valdete Antonit 

"poezitë pinë brymë

/ dhe qajnë

/ Atlantidën/"

Librat poetik të Valdete Antonit:

"ëndërr në mur" Prishtinë 1993,

"Muri im ka veshur këmishë"Tirane 1997,

"E pashë fluturimin tim"Tiranë 1999,

"Hyj në kraheror Zoti"Tiranë 2001.

"Tretur në polen drite''Tiranë 2005.

Kjo ese online
dhe shumë të tjera u realizuan fillimisht nga kolegu krijues dhe miku i familjes Antoni, kineasti i njohur  Kolec Traboini, në art nga Pendekaltri në vitin 2007;

Koment vlersues:

Spleen dhe parfum

Po,vërtet,ky cikël me poezi shkruar nga Valdete Andoni,sot,teksa ndodhem në punë (në një ditë gri e plot spleen),më hyri brenda shpirtit si një fllad i pastër e plot parfume pranverore.Më ndjeni për këto rreshta, ndofta naive, por e bukura nuk provokon veçse ndjenja të tilla - si edhe shumë sensibilitet e sentimenete delikate...

VASIL QESARI, Francë, 2007.
___________________